olih : I Gede Ngurah Suwardhi Sesana
HIMASABA UNDIKSHA SINGARAJA
Ajeg Bali
Desa munduk, wantahja desa sane akeh karauhin tamu saking
manca negara. Tamune ane teka demen kapining kebudayaan, seni miwah panorama
ring desa munduk sane enu ajeg lan lestari. Sedek dina anu wenten toris sane
mawasta Olive sareng gaidnyane sane
mawasta Luh ayu malancaran ka danu tamblingan. Olive inggih punika toris
sane putih lan jegeg pesan. Kadirasa siraja anak muani sane nyingakin buduh
kasmaran bana. Ditu toris sareng gaid punika nyingakin pemandangan danune sane
enu asri. Lantas teka Agus sareng Widi
nyingakin torise ane jegeg ento sambilanga mengkeb di samping sekepate.
“Gus...gus...tingalin
ja to ada toris jegeg sajan.”
Keto I Widi Ngomong sareng Agus. Lantas agus masaut
“Behhh....sing
pelih ci ningalin.. adi nyak jegeg keto torise ento. Kale jelekne bes endep,
jek asah jak punyan kayune di sampingne.”
Lantas I Widi masaut sambilanga ngewalek
“yen
saihang jak demenan cine ane lantang to...enu kalah jegegne.....biar endep yang
penting jaen. Ha..ha...ha...haa”
Masaut I Agus sambilanga masemu ucem
“beh
nah...nah..menang ba cai. Ehh...mare inget mani ada tugas maca aksara bali.
Aduhh...sing bisa mace len, jalan jani malajah di umahne sayu nyak?”
Ditu lantas I Widi masaut ngorahang enah. Krana ia tusing
pati pedas masih tekening aksara bali. Ngenggalang ajaka dadua mulih ngemak
buku lan nuju ka umahne i sayu. Disubane neked di umahne sayu, i widi lan i
agus ngorahin sayu ngajahin mamaca aksara bali. Sayu masih enyak ngajahin
timpale buka dadua punika.
“nden
malu satonden malajah gaenanga ja teh apang ada amik risedek malajah.”
Keto i sayu ngomong ajak i agus lan i widi. Lantas i agus
masaut.
“ahh...sayu
koja repot-repot, tityang mariki kari malajah kemanten, tusingja ja namyu.”
Masaut lantas i sayu
“ahh...wantah
teh sing je ngerepotin.”
Macelep lantas sayu ka paon ngaenang timpalne buka dadua
punika teh. Kacrita mangkin ring danune i ayu inget kapining sawitrannyane i
sayu sane umahnyane paek sareng danu tamblingan. Sawireh suba wai tusing taen
matepuk, i ayu ngajak tamunyane punika
malancaran ka umahne sayu. Neked lantas di umahne sayu, i widi lan i agus
makasyab. Lantas iwidi ngomong kisi-kisi sareng Agus
“gus ne
sing ja bulene ane tepuk di danu to?”
Masaut lantas i Agus
“yeh...sajan.
ngudyang ja mai bulene jegeg ne? Raga engken aliha mai.?”
“beh...sok
gen cai..nang takonin nyen ja aliha mai to.”
Keto pasautne i widi. Ditu lantas i ayu nakonang timpalne
i sayu sareng i widi lan Agus.
“om
swastyastu? Sayune ada?”
Masaut lantas i agus.
“oh kari
ring pawaregan atos ngih tityang kaukin jebos. Sayuuu.....sayuu...ne ada tamu.”
Keto iagus nyawis lan ngaukin sayu. Pesu lantas sayu
uling paone. Makasyab sayu ningalin i ayu krana mangkin ayu sampun jegeg putih
lan tusing cara dugase enu ngoyong di desa.
“yeh...ayu...bih
nyegeang gen jani...kengken kabare?”
Keto i sayu matakon. Lantas i ayu masaut sambilanga
matakon masih
“ahh
biasa gen, kabar tyange becik kemanten. Sayu kengken masih kabare enu masuk?
“becikk
masih. Enu...lah...hehe...jani mara kelas 2 SMA. Men nyen ento ka ajak?”
Keto i sayu matakon lantas i ayu nyawis pitakennyane
“bih...yen
tityang enu masuk meh kelas monto masih, nah kangwang megae dadi gaid mlau
hehe. Oh ene tamu tityange saking Amerika. Adane Olive. Olive ne sawitran
tityange sayu. Ngiring makenalan dumun.”
Lantas olive masaut nganggen bahasa bali.
“wastan
tityang Olive. Tityang saking amerika
mangkin tityang nongos ring bali sareng meme lan bapan tityange di munduk.”
Ningehang Olive
nganggen bahasa bali makesyab lantas I Widi sareng I Agus. Lantas i sayu
ngorain Ayu sareng tamu nyane malinggih ring ampik umahne. Sambilanga I Sayu ngabaang
teh. Ditu lantas ajaka makejang pada makenalan, saha i ayu nakonang kenape adi
rame ring umahne I Sayu.
“ada
apane mapupul? Ngae tugas?”
Lantas masaut I Sayu
“ohh
nee...I Widi ajak I Agus mai anak malajah maca Aksara Bali.”
Masaut lantas Olive
“yaning
batek mamaca aksara bali tityang bisa. Mriki tityang nyobak mamaca.”
Ningalin Olive
lancar pisan mamaca aksara bali, ngae I Widi lan I Agus ngon lan kalangen.
Ngomong lantas I Agus sambilanga kisi-kisi sareng I Widi.
“beh..torisene
sing ja bates jegeg, dueg bwin maca. Sada maca aksara iraga, aksara anak Bali.”
Ningeh munyine ento, I Widi jengah. Lan ajake dadue seleg
pesan malajah mangda prasida dados sekadi Olive,
sane lancar mamaca aksara bali yadiastun Olive
nenten ja anak bali asli. Nanging wantah tamu saking amerika.
Tidak ada komentar:
Posting Komentar